नव्या मानवी अवयवाचा शोध

वृत्तसंस्था
गुरुवार, 5 जानेवारी 2017

गेल्या अनेक वर्षांपासून आपल्या पचन संस्थेमध्ये हा अवयव असल्याचे मत शास्त्रज्ञांनी व्यक्त केले आहे. यापूर्वी तो वेगवेगळ्या घटकांनी बनला असून, त्याची विस्कळित रचना असल्याचे मानले जात होते; परंतु हा अवयव उदरपोकळीच्या मागच्या भित्तीला आतड्यांशी जोडण्याचे कार्य करतो

लंडन - मानवी देहाची रचना त्याची निर्मिती आणि त्याचे कार्य या अतिशय जटिल अशा प्रक्रिया आहेत. गेल्या अनेक वर्षांपासून यावर अविरत शोध सुरू असून, आता आयरिश शास्त्रज्ञांच्या एका चमूला मानवी देहात एक नवीन अवयव सापडला आहे. त्याला त्यांनी मेसेंट्री असे नाव दिले असून, मराठीत त्याला "अंत्रधर' असे म्हणता येईल.

गेल्या अनेक वर्षांपासून आपल्या पचन संस्थेमध्ये हा अवयव असल्याचे मत शास्त्रज्ञांनी व्यक्त केले आहे. यापूर्वी तो वेगवेगळ्या घटकांनी बनला असून, त्याची विस्कळित रचना असल्याचे मानले जात होते; परंतु हा अवयव उदरपोकळीच्या मागच्या भित्तीला आतड्यांशी जोडण्याचे कार्य करतो. लिमरिक विद्यापीठाचे प्राध्यापक आणि या संशोधनातील प्रमुख संशोधक जे. कॅल्व्हिन कॉफी यांनी याबाबतची माहिती "द लॅन्सेट गॅस्ट्रॉएंट्रोलॉजी अँड हेप्टॉलॉजी' या नियतकालिकात प्रसिद्ध केली आहे.

अंत्रधर ही एक घडी असून ती पोट, छोटे आतडे, स्वादुपिंड, प्लिहा आणि अन्य अवयवांना उदराच्या भिंतीला जोडते. शोधादरम्यान हा एक अखंड अवयव असल्याचेही शास्त्रज्ञांच्या निदर्शनास आले आहे. अंत्रधराच्या आणखी अभ्यासामुळे काही शस्त्रक्रिया करण्याची गरज भासणार नाही; तसेच गुंतागुंती कमी होण्यास व रुग्ण लवकर बरा होण्यासही मदत होईल, असे मत कॉफी यांनी नोंदविले आहे.

साय-टेक

सध्या आपण कोणत्याही नव्या पर्यटनस्थळी किंवा शहराच्या कानाकोपऱ्यात जाण्यापूर्वी जीपीएस तंत्रज्ञानाचा वापर करतो. "अति परिचयात...

गुरुवार, 23 मार्च 2017

नवी दिल्ली : गेल्या काही दिवसांपासून आपल्यातून हरवलेला व्हॉट्‌सअॅप 'टेक्‍स्ट स्टेट्‌स' पुन्हा परतला आहे. व्हॉट्‌सअॅपच्या नव्या...

गुरुवार, 23 मार्च 2017

बीजिंग : 2010 मध्ये चीन सरकार व 'गुगल'मध्ये सेन्सॉरशिप वरुन वाद झाल्यानंतर चीनमध्ये 'गुगल'वर घालण्यात आलेली बंदी उठवली जाण्याची...

बुधवार, 22 मार्च 2017