अंटार्क्‍टिकापासून हिमनग दूर होताहेत... 

वृत्तसंस्था
सोमवार, 9 जानेवारी 2017

न्यूयॉर्क :  आतापर्यंत नोंद झालेल्या सर्वांत मोठ्या हिमनगांपैकी एक असलेला हिमनग अंटार्क्‍टिका खंडापासून तुटून दूर होण्यासारखी परिस्थिती निर्माण झाल्याचे संशोधकांचे म्हणणे आहे. हा हिमनगाचा आकार कॅरेबियन बेट समूहातील त्रिनिदाद आणि टोबॅगो या बेटांच्या एकत्रित आकाराइतका आहे. 

न्यूयॉर्क :  आतापर्यंत नोंद झालेल्या सर्वांत मोठ्या हिमनगांपैकी एक असलेला हिमनग अंटार्क्‍टिका खंडापासून तुटून दूर होण्यासारखी परिस्थिती निर्माण झाल्याचे संशोधकांचे म्हणणे आहे. हा हिमनगाचा आकार कॅरेबियन बेट समूहातील त्रिनिदाद आणि टोबॅगो या बेटांच्या एकत्रित आकाराइतका आहे. 
अंटार्क्‍टिकाच्या किनाऱ्यापट्टीवरील लार्सन सी भागामध्ये गेल्या काही वर्षांमध्ये निर्माण झालेली दरी वाढत असून, गेल्या महिन्यात त्याची लांबी अचानक 18 किमीने वाढली. या दरीची लांबी आता जवळपास 80 किमी झाली असून, अजून केवळ वीस किमी वाढ झाल्यानंतर हा हिमनग मुख्य भूमीपासून दूर होईल. हा हिमनग दूर झाल्यास लार्सन सी भागाचा आकार पाच हजार चौरस किमीहून अधिक कमी होणार आहे. तसेच हिमनग बाजूला झाल्याने या खंडाचा आकार बदलणार असून, लार्सन सी भागात आणखी दऱ्या निर्माण होण्याची भीतीही असल्याचे संशोधकांचे म्हणणे आहे. 

काय परिणाम होईल? 
लार्सन सी हा भाग अंटार्क्‍टिका खंडावरील हिमनद्यांच्या पाण्यावर तरंगणाऱ्या बर्फाचा थर आहे. या थराची जाडी काहीशे मीटर असते. संशोधकांच्या म्हणण्यानुसार, असे बर्फाचे थर मुख्य भूमीपासून तुटत राहिले, तर तापमानवाढीमुळे वेगाने वाहणाऱ्या हिमनद्या अधिक वेगाने समुद्राच्या पाण्यात मिसळतील आणि त्यामुळे समुद्र पातळीमध्ये वाढ होईल. गेल्या काही वर्षांत अंटार्क्‍टिकाच्या उत्तर भागात असे काही थर तुटून वेगळे झाले आहेत. 

साय-टेक

केप कॅनव्हेरल (फ्लोरिडा) : अमेरिकेच्या अवकाश संशोधन संस्था 'नासा'ने पाठविलेल्या कॅसिनी या अंतराळयानाने शनी ग्रहाच्या पहिल्या...

शुक्रवार, 28 एप्रिल 2017

गर्भवती महिलांच्या संदर्भात रोज नवनवीन संशोधन होत आहे. त्यांच्या मानसिक आणि शाररिक आरोग्याविषयी त्या महिलेने अत्यंत जागरुक असणे...

गुरुवार, 27 एप्रिल 2017

मूमेंट्‌स बाय फेसबुक  तुमचा मित्रांसोबतचा किंवा कुटुंबासोबतचा एखादा फोटो अल्बम तयार करण्यासाठी तुम्ही हे ऍप वापरू शकता....

गुरुवार, 27 एप्रिल 2017