ब्रेकिंग न्यूज

गोंदिया (महाराष्ट्र) : गोंदिया येथील प्रशिक्षण केंद्रातील प्रशिक्षणार्थी विमान चालकांच्या विमानाचा बालाघाट येथे अपघात. दोन विमानचालकांचा मृत्यू.
नवी दिल्ली : पराभवाची जबाबदारी स्वीकारून दिल्ली काँग्रेसचे अध्यक्ष अजय माकन यांनी दिला पदाचा राजीनामा.
दिल्लीतील तीनही महापालिकांमधील मिळून एकूण २७२ जागांपैकी भाजपच्या खात्यात १७७ जागा
पराभवानंतर 'आप'ने 'ईव्हीएम'वर फोडले खापर
दिल्लीमधील महापालिका निवडणुकीत भाजपची दणदणीत बहुमताकडे वाटचाल

रेल्वेचा महाराष्ट्राला धक्का; केरळने पंजाबला रोखले

सकाळ वृत्तसेवा
शनिवार, 18 मार्च 2017

बांबोळी ः संतोष करंडक फुटबॉल स्पर्धेत शुक्रवारी झालेल्या लढतीत केरळच्या शेरीन सॅम याच्या स्वयंगोलमुळे पंजाबने आघाडी घेतली तो क्षण.

बांबोळी ः संतोष करंडक फुटबॉल स्पर्धेत शुक्रवारी झालेल्या लढतीत केरळच्या शेरीन सॅम याच्या स्वयंगोलमुळे पंजाबने आघाडी घेतली तो क्षण.

पणजी - महाराष्ट्राला 71व्या संतोष करंडक राष्ट्रीय फुटबॉल स्पर्धेत सलग दुसऱ्या पराभवाचा सामना करावा लागला. वॉस्को येथील टिळक मैदानावर शुक्रवारी झालेल्या सामन्यात रेल्वेने गतउपविजेत्या महाराष्ट्राला 1-0 असा धक्का दिला. महाराष्ट्राच्या राहुल दास याने 32व्या मिनिटाला केलेला स्वयंगोलच रेल्वेला विजय मिळवून देणारा ठरला. दुसऱ्या सामन्यात भरपाई वेळेतील गोलने केरळने पंजाबला पिछाडीवरून 2-2 असे बरोबरीत रोखले.

बांबोळी येथे झालेल्या केरळ वि. पंजाब सामन्यात प्रशिक्षक व्ही. पी. शाजी यांचा विश्‍वास सार्थ ठरविताना बदली खेळाडू महंमद पाराक्कोट्टिल याने शेवटच्या मोजक्‍या मिनिटांच्या खेळात दोन गोल केले. त्यापैकी एक गोल भरपाई वेळेतील होता. या कामगिरीमुळेच केरळला "ब' गटातील लढतीत पंजाबला बरोबरीत रोखता आले. रंगतदार झालेल्या या सामन्यातील चारही गोल उत्तरार्धात झाले.

केरळच्या शेरीन सॅम याने 49व्या मिनिटास स्वयंगोल केल्याने पंजाबला आघाडी मिळाली. नंतर 57व्या मिनिटास केरळच्या बचाव फळीतील त्रुटीचा लाभ उठवत मानवीर सिंग याने पंजाबला 2-0 असे आघाडीवर नेले. सामन्याच्या 79व्या मिनिटास पाराक्कोट्टिल बदली खेळाडू म्हणून मैदानात आला. त्याने 89व्या मिनिटास जॉबी जस्टिनच्या शानदार क्रॉस पासवर भेदक हेडरवर गोलरक्षक परमजित सिंग याला चकवून केरळची पिछाडी कमी केली. नंतर भरपाई वेळेतील चौथ्या जस्टिनच्याच "असिस्ट'वर पाराक्कोट्टिलने पुन्हा एकदा पंजाबच्या गोलरक्षकाचा बचाव भेदत केरळला 2-2 अशी बरोबरी साधून दिली.

"ब' गटात आता पंजाबचे दोन बरोबरी व एका विजयामुळे पाच गुण झाले आहेत. केरळने दोन सामन्यांतून चार गुणांची कमाई केली आहे. पंजाब व केरळविरुद्ध हार पत्करलेल्या रेल्वेच्या खाती तीन गुण आहेत; तर महाराष्ट्राला दोन पराभवांमुळे अजून गुण मिळविता आलेला नाही.

क्रीडा

नवी दिल्ली - आयसीसीच्या उत्पन्नातील वाट्यावरून बीसीसीआय (भारतीय क्रिकेट मंडळ) आणि आयसीसी (आंतरराष्ट्रीय क्रिकेट परिषद) यांच्यात...

05.09 AM

ब्युनॉस आयर्स - अर्जेंटिनाच्या संघाकडे अनपेक्षित कामगिरी करण्याची क्षमता नेहमीच राहिली आहे. आगामी विश्वकरंडक फुटबॉल स्पर्धेसाठी...

03.24 AM

न्यूयॉर्क - रुमानियाचे माजी टेनिसपटू ईली नस्तासे यांनी वर्णभेदी वक्तव्य केल्याबद्दल सेरेना विल्यम्सने टीका केली. "सेरनाचे...

02.39 AM